" siz həqiqətənmi elə hesab edirsiniz ki, Azərbaycanda indi 21-ci əsrdir? Elə isə 21-ci əsrə xas olan dəyərləri Azərbaycanda axtarmaq üçün mənə yardım edin.
Bu ölkədə işıq pulu vermədiyinə görə adamı ağaca sarıyıb döyürlər.
Bu ölkədə prezidentin 38 villası var.
Bu ölkədə 20-dən aşağı villası olan adamı nazir saymırlar.
Bu ölkədə adamları vicdan azadlığına görə həbs edirlər.
Bu ölkədə insanlar özünü ifadə azadlığının olmamasından yana mühacirət edirlər.
Bu ölkədə yazıçılar və şairlər dövlət başçılarını mifləşdirən əsərlər yazıb özlərinə təminat alırlar.
Bu ölkədə adidən adi bir bələdiyyə sədri dövlət adına möhtəkirliklə məşğul olur və bunu vəzifə borcu sayır.
Bu ölkədə polis zorakılığı idarəetmə norması sayılır.
Bu ölkədə şəxsiyyətə pərəstiş rəsmi ideologiyadır.
Bu ölkədə bütün seçkilər vicdansızcasına saxta nəticələr üzrə elan edilir.
Bu ölkədə hər iki-üç ildən bir dövlət hakimiyyətinin uzurpasiyası baş verir.
Siz bu ölkədə 21-ci əsr olduğunu iddia etməkdə israrlısınızmı?" (Qənimət Zahid)
http://azadliq.info/koshe/qanimat/2487.html Hörmətli forum iştirakçıları, bu suallara daha hansı sualları əlavə edərdiniz?
